Ұлттық нейрохирургия орталығының нейрохирургтары UMC Ана мен бала ұлттық ғылыми орталығының акушер-гинекологтарымен бірлесіп бірден екі сәтті ота жасады
дүйсенбі, 23 Сентябрь 2024
Ұлттық нейрохирургия орталығының нейрохирургтары UMC Ана мен бала ұлттық ғылыми орталығының акушер-гинекологтарымен бірлесіп бірден екі сәтті ота жасады.
Ағымдағы жылдың шілде айында Ақмола облысының тумасы тұрғылықты жері бойынша дәрігерлерден көру қабілетінің нашарлауы, оң көзінің бұлыңғыр көруі мен ыңғайсыздық туғызуы, әлсіздік пен шаршау туралы шағымдармен медициналық көмек сұрап, жүгінді. Дәрігерлер мидың МРТ сканерлеуінен өтуге кеңес берді. МРТ-да дәрігерлер хиазмо-селлярлық аймақта ми ісігін анықтады, оның мөлшері маңдайға тарала өсуімен 5*5*6 см болды.
Еліміздің бас нейрохирургы, профессор, ҚР ҰҒА академигі Ақшолақов Серік Қуандықұлы бастаған «ҰНО» АҚ дәрігерлерінің шұғыл консилиумы барысында Нейрохирургия орталығында жедел емдеу жүргізу үшін оны шұғыл емдеуге жатқызу туралы шешім қабылданды.
Науқастың ауыр жағдайын және одан әрі асқыну қаупін ескере отырып, нейрохирург дәрігерлер, акушер-гинекологтар, анестезиологтар осы науқасты емдеу тактикасын бірлескен түрде анықтады. Сонымен, алдымен кесарь тілігі арқылы босану туралы шешім қабылданды, содан кейін алып ісікті алып тастау үшін операция жасалды. Техникалық асқынуларсыз қыз бала дүниеге келді. Нейронавигация жүйесін қолдана отырып, ісікті жою үшін микрохирургиялық операция шамамен 8 сағатқа созылды және сәтті өтті. Күрделі операцияның зергерлік жұмысы - ісік оптикалық нервке және каротид артериясына жақын орналасқандықтан, мұндай жағдайларда жүйке жүйесі мен оның өткізгіш жолдарын зақымдамаудың өте маңыздылығында болды.
Бүгін ана мен нәресте өзін жақсы сезінеді. Операциядан кейін науқастың көру қабілеті қалпына келе бастады. Әйел Орталықтың нейрохирург дәрігерлерінің бақылауында, ал нәресте Ұлттық ана мен бала орталығына ауыстырылды.
Операцияны ми патологияларының нейрохирургиясы бөлімшесінің меңгерушісі, медицина ғылымдарының кандидаты Нұржан Рыскелдиев, нейрохирург дәрігерлер Мұратбек Тілеубергенов және Дәурен Баймұханов жүргізді. Сондай-ақ, операция кезінде мультидисциплинарлық дәрігерлер тобы жұмыс істеді, оның құрамында UMC Ана мен бала ғылыми орталығының тәжірибелі дәрігерлері, анестезиологтары және акушер-гинекологтары болды.