Вопрос-ответ_KAZ

Тексеру нәтижелері бар пациенттерге онлайн кеңес алу мүмкін бе?

"ҰНО" АҚ-на құжаттар пакетін (МРТ, КТ суреттері, амбулаторлық картадан үзінді және басқа медициналық құжаттарды) электрондық мекен-жайға жібере отырып онлайн кеңес алуға болады: neuroportal@mail.ru . Бізге мүмкіндігінше ауыру тарихынан толық және жаңа үзіндіні, амбулаториялық картадан: екі айдан аспаған, ал ерте жастағы балалар үшін бір айдан аспаған үзіндіні жіберіңіз. Көшірмеге бөлімше меңгерушісінің немесе емдеуші дәрігердің қолы қойылуы тиіс. Міндетті түрде пациенттің толық атын, туған күнін ТК.ТА,ТЖ форматында,  электронды мекенжайы және байланыс телефонын көрсетіңіз. Жауап 14 күн ішінде электронды пошта арқылы беріледі.

*Ескертпе
Өзге медициналық ұйымдардың электрондық базаларына кіру рұқсатының болмауы және деректердің құпиялылығына байланысты КТ/МРТ суреттерді, басқа да  медициналық құжаттарды, зерттеу қорытындыларын жүктеп алуға   Сіз жіберген СІЛТЕМЕЛЕР Орталықпен қарастырылмайды.


Егер МРТ қорытындылары дискке жазылса:

•             дисктегі барлық ақпаратты zip. немесе  rar. мұрағатына қысып салу керек және аталған мұрағатты ашу бағдарламасын қоса жөнелтіңіз.

•             файлдардың жалпы көлемі 50 Мб аспауы керек. Егер файлдардың көлемі 50 Мб асатын болса, файлды алмастырушы mail, yandex. салу керек.

•             электрондық мекен-жай:  neuroportal@mail.ru,

•             Егер МРТ қорытындылары сурет түрінде болса:

•             сандық фотоаппаратпен терезенің ашық түсі немесе негатоскоп аясында әрбір сурет кадрын суретке түсіріп, МРТ суретін  neuroportal@mail.ru,  электрондық мекен-жайына jpg, png форматында қарапайым сандық суреттер түрінде жолдау қажет.

 

 

Пленкада КТ немесе МРТ суреттерін жіберу қажет болған жағдайда Сізге керегі:

1.      Телефон камерасына фото немесе фотоаппаратқа жарық фонда (пленканы терезеге салып түсіруге болады)

2.       Барлық файлдарды бір қалтаға сақтау (мүмкіндігінше jpeg форматында)

3.       Файлдарды немесе файл сілтемесін қосып, жоғарыда көрсетілген электрондық пошта мекенжайларына жіберу.



Қосымша ақпарат алу үшін мына телефондар арқылы хабарласуларыңызды сұраймыз:


+ 7 (7172) 62-11-00  Ұлттық нейрохирургия орталығы АҚ Call орталығы.

  Басқарма Төрағасының орынбасары - Калиев Асылбек Бактбекович: +7 7172 621002.



      Инсульт – бұл ми жасушаларының өлімінің қайтымсыз процестеріне әкелетін ми қан айналымының жіті бұзылуы.
   Инсульт негізгі екі түрге бөлінеді: ишемиялық және геморрагиялық. Ишемиялық инсульт кезінде оны қоректенетін артерияның бітелуі нәтижесінде ми аймағының өлімі орын алады. Ал геморрагиялық инсульт кезінде тамырдың жарылуы нәтижесінде миға қан кету пайда болады.
    Пациент медициналық көмекке неғұрлым тез жүгінсе, инсульттан сәтті емделу және қалпына келтіру мүмкіндігі соғұрлым жоғары болады.   Ишемиялық инсульт түрінде арнайы тромболизис терапиясын өткізуге пациенттің медициналық көмекке уақытылы жүгінуіне байланысты және «терапевтік терезе» деп аталатын кезеңде ғана мүмкін болады - бұл инсульттің алғашқы белгілері пайда болған сәттен бастап алғашқы 4,5 сағат.
    Инсульттің алғашқы белгілерін анықтау үшін өте қарапайым, бірақ сенімді тест бар, оны NEW-FAST test (ағылшын тілінде) деп атайды, бұл келесі белгілердің кенеттен пайда болуын білдіреді:

  • N – Nausea/Vomiting - жүрек айнуы және / немесе құсу;
  • E-Eyes – Көз - қос көздену, көру өрісінің бұзылуы, біржақты кеңістіктік елемеу (неглект синдромы) және / немесе нистагм (көздің еріксіз тербелмелі қозғалысы);
  • W-Walking – Жүру - бас айналу салдарынан жүрудің бұзылуы;
  • F-Facial droop –Беттің жартысының қисаюы- бұл бет асимметриясының кенеттен пайда болуын білдіреді;
  • A-Arm Weakness – Қолдың әлсіздігі - бұл дененің бір жағындағы қолдың және/немесе аяқтың әлсіздігі, бір жағынан сезімталдықтың төмендеуі;
  • S-Speech – Сөйлеу - бұл сөйлеудің бұзылуын білдіреді (сөйлеу түсініксіз, шатастырылған және / немесе мүлдем жоқ);
  • T-Terrible Headache / Dizziness – Қатты бас ауруы / бас айналу - бұл дененің отыру, тұру немесе жатқандығы жағдайына қарамастан, қатты бас ауруы немесе бас айналудың кенеттен пайда болуын білдіреді.

   Егерде осы белгілердің кем дегенде біреуі болса, шұғыл түрде жедел жәрдем шақыру қажет.

"ҰНО" АҚ мамандарының кеңесін алу үшін колл-орталық арқылы қажетті дәрігердің қабылдауына +7 (7172) 62-11-00 телефондары арқылы алдын-ала жазылу қажет немесе орталықтың сайтындағы "дәрігердің қабылдауына жазылу" бөлімінде онлайн жазылу арқылы жүзеге асырылады.

Инсульттан кейінгі ерте және кеш оңалтуды алу тұрғылықты жері бойынша өңірлердегі инсульт орталықтарында жүргізіледі. "ҰНО" АҚ жағдайында инсульттан кейінгі оңалту ақылы негізде жүргізіледі. 

Орталықтан кеңесті қалай алуға болады?

Біздің клиникамызда барлық орта медициналық қызметкерлер шетелдік клиникаларда оқытудан өтеді, осыған орай ауыр пациенттерге күтім толық көлемде және тиісті түрде жүзеге асырылады. Осыған қарамастан, біздің орталығымыз пациенттің туысқандарына күн сайын жұмыс күні ішінде (сағат 20.00-ге дейін) жанында болуға мүмкіндік береді. Бұл ретте тамақтану тәртібін күтуші өз есебінен жүзеге асырады.

"ҰНО" АҚ-да емделуге мемлекеттік квота алу үшін құжаттарды (барлық талдаулары бар амбулаторлық картадан көшірме), пациенттің тексерілуі (МРТ, КТ суреттері)  клиникаға ұсыну қажет. Содан кейін, пациент емделуге жатқызылу  күні белгіленген консультациялық қорытындыны алады, соның негізінде толық тексерілу және емделуге жатқызу бюросы порталында одан әрі тіркеуді (квотаны ресімдеу) өтеді.  Орталықпен сәйкестікті растаған күннен бастап пациент емделуге жатқызылу үшін жолдама талон алады.  Квота бойынша емделуге жатқызылу туралы толық ақпаратты ТМККК айдарындағы «Емделуге жатқызылу ережесі» бөлімінен ала аласыз. 

Иә, біз тек еліміздің азаматтарын ғана емес, сонымен қатар шетелдік пациенттерді де емдейміз.  Біздің орталыққа емделуге жатқызылу үшін Сіз бізге келесі: +7 (7172) 62-11-00 телефоны арқылы колл-орталығына немесе госпиталдық менеджмент бөлімінің мамандарына +7 7172 62 11 16, +7 700 270 73 41 (WhatsApp бар) телефондарына хабарласыңыз не болмаса neuroclinic.international@gmail.com поштасына жазыңыз. Пациенттерімізге ыңғайлы болу үшін біз қосымша қызмет түрлерін ұсынамыз:

  • Астана қ. кез-келген деңгейдегі қонақ үйді брондау;

  •  бірге жүруді қамтамасыз ету (ағылшын тілін меңгерген менеджер);

  •  медициналық менеджмент (құжаттарды  және сырқатнаманы ағылшын тіліне аудару және т. б.);

  •  виза алуға көмек;

  •  пациенттерді тасымалдау.