Қабылдауға жазылу:
      +7 (7172) 62-11-00



ҰЛТТЫҚ НЕЙРОХИРУРГИЯ ОРТАЛЫҒЫ

Радиология және радиохирургия бөлімшесі


Радиология және радиохирургия бөлімшесінің техникалық тамаша жабдықталуы және дәрігерлердің кәсіпқойлығы жоғарғы сапалы диагностикалық зерттеулер жасауға мүмкіндік береді. Радиология және радиохирургия бөлімшесі МРТ (3 Тесла, 1,5 Тесла), компьютерлік томография, операциялық ангиография және рентген кабинеттерінен, Гамма-пышақпен емдеу бөлімінен тұрады. Дәрігер-радиологтар өз жұмыстарында әрбір пациент үшін мейлінше сәйкес келетін, жылдам әрі ауырсынусыз зерттеу тәсілдерін мұқият таңдау жолымен дұрыс диагнозды таңдауға болатындығына сүйенеді. Бізде пациент әрдайым назарда болады. Бөлімшенің қызметкерлері шетелде әлденеше рет тағлымдамадан өткен, халықаралық конференцияларда ғылыми баяндамалар оқыған, сәулелік диагностика мамандарының ресейлік және халықаралық ассоциацияларының мүшелері, ғылыми жарияланымдардың авторлары болып табылады. 
Біз келесідей зерттеулер жасаймыз: 

  • Рентгенологиялық зерттеулер 
  • Бастың және омыртқа бағанасының магнит-резонансты томографиясы 
  • Магнит-резонансты ангиография 
  • Интракраниальды артериялардың компьютерлік томографиясы және компьютерлік – томографиялық ангиография 


2021 жылдың маусым айында біздің Орталықта шведтік Elekta компаниясы өндірген «Гамма-пышақ» заманауи кешені жұмыс істей бастады. Қазақстан осындай жоғары технологиялық жабдықтары бар ТМД аумағындағы үшінші елге және Орталық Азиядағы бірінші елге айналды.

Гамма пышақ туралы:

  • Гамма пышақ - бұл мидың ісіктерін, тамырлы және функционалды ауруларын емдеуге арналған радиохирургиялық қондырғы.

  • Жұмыс принципі - 192 кобальт-60 көздерінен Радиоактивті сәулелену қолданылады, оның сәулелері патологиялық фокустың аймағында жиналады және біріктіріледі. Олар ісік жасушаларының ДНҚ-ны бұзады.

  • Мидың сау тіндері мен науқастың бүкіл денесі сәулеленбейді.

  • Операцияның өзі ауыртпалықсыз, бассүйегінің трепанациясын қажет етпейді.

  • Операция бір реттік, яғни сәулелік терапия сияқты бірнеше сатыда жүргізудің қажеті жоқ.

Бүгінгі таңда Гамма-пышақ радиохирургиялық емдеудің «Алтын стандарты» болып табылады. Бүгінгі таңда әлемде 400-ге жуық Гамма пышақ қондырғылары бар, олардың жартысы АҚШ пен Жапонияда орналасқан деп айтуға болады.

Гамма пышақпен емдеу:

Гамма пышақ ісік аурулары, мидың тамырлы аурулары үшін қолданылады. Гамма-пышақты қолдана отырып емдеу үшін пациенттерді таңдау кезінде ісік пен мидың тамырлы зақымдануының белгілі бір мөлшері ескеріледі. Сондай-ақ, белгілі бір дәрежеде қосымша хирургиялық қауіп-қатерсіз мидың өмірлік маңызды құрылымдарында орналасқан бірнеше метастаздарда Гамма пышағын қолдануға болады.

Онлайн және электрондық форматта сырттай кеңес алу үшін бізге neuro_omo@mail.runeuroportal@ncn.kz мекенжайларына Гамма-пышақ деп белгілеп хат жазу қажет, КТ/МРТ нәтижелерін (3 айдан кешіктірмей), КТ/МРТ қорытындысын, сондай-ақ медициналық үзінді көшірмені (бар болса) қоса тіркеу керек.

Зерттеулер жүргізуге жазылу немесе қосымша ақпарат алу үшін Сіз +7 (7172) 62-11-00, +7 701 062 11 00, +7 747 511 60 00 телефондарына хабарласуыңызға болады. 

Бөлімше меңгерушісі - Байтурлин Жәнібек Ғаниұлы, медицина ғылымның кандидаты.