Кіші инвазиялық нейрохирургия бөлімшесі

Қазіргі уақытта барлық заманауи хирургия және нейрохирургия, соның ішінде адамның әртүрлі патологияларына кіші инвазиялық қолжетімділікке бейім. Барыша кіші тілік және барынша кіші сүйек «ойығы» арқылы жасалатын операциялар, сондай-ақ теріні кеспейтін операциялар классикалық қол жетімділікпен салыстырғанда бірдей және жиі жоғары тиімділікпен қауіпсіз.
Сондықтан ми мен жұлынның, шеткі жүйке жүйесінің әртүрлі патологиялары үшін жарақатсыз операцияларды енгізумен және жүзеге асырумен айналысатын жаңа нейрохирургиялық бөлімше құру туралы шешім қабылданды. 2022 жылғы 1 қыркүйекте Ұлттық нейрохирургия орталығында Кіші инвазиялық нейрохирургия бөлімшесі ашылды.
Кіші инвазиялық нейрохирургиялық операцияларды қолдану пациенттің клиникада болу ұзақтығын қысқартуға мүмкіндік береді, операциядан кейінгі асқынулардың, мүгедектіктің және пациенттердің әлеуметтік бейімделу уақытының қысқаруы байқалады. Жоғарыда айтылғандардан басқа косметикалық әсер бар: ұзын тыртықтар жоқ, бассүйектің кең трепанациясының іздері, сүйек ақаулары жоқ.
Бөлімше 14 төсек-орынға шақталған.

Біз келесі ауруларды емдейміз:

  • орталық және шеткі жүйке жүйесінің ісіктері  (ми мен жұлынның қатерсіз және қатерлі ісіктері, хиазма-селлярлық аймақтың ісіктері, бас миының діңі мен бассүйек негізінің ісіктері, ОЖЖ метастатикалық зақымдануы, мидың туа біткен және жүре пайда болған кисталары, бассүйек-ми және шеткі жүйкелердің ісіктері)
  •  гидроцефалия
  •  омыртқаның дегенеративті процестері (жарық және омыртқааралық дискілердің шығуы)
  •   бассүйек сүйектерінің ақаулары
  •  тамырлардың, жүйке діңдерінің және ми нервтерінің зақымдалуына байланысты әртүрлі ауырсыну синдромдары (мысалы, үштармақты невралгия).


Бөлімшенің мүмкіндіктері:
Кіші инвазиялық нейрохирургия бөлімшесі емдеудің ең жаңа әдістерін қолдану арқылы орталық нерв жүйесі зақымданған және ауруы бар науқастарды хирургиялық емдеумен айналысады, атап өтсек:  
  •        Эндоскопиялық трансназальды трансфеноидты хиазма-селлярлық аймақтың ісіктерін жою;
  •         Нейронавигациялық интраоперациялық жүйені қолдану;
  •         Эндоскопиялық ассистенцияның көмегімен бассүйек негізінің ісіктерін микрохирургиялық алып тастау;
  •         Интраоперациялық флуоресценцияны қолданумен мидағы глиомаларды микрохирургиялық алып тастау;
  •         Краниовертебральды аймақ патологиясын (хордомалар және басқа ісіктер) микроскопиялық және/немесе эндоскопиялық техниканы қолдана отырып, трансоральды жолмен микрохирургиялық емдеу;
  •         Бет жүйкесінің интратемпоральді сегментін жылжытумен тіласты -бет жүйкесінің анастомозы (Бет жүйкесінің реиннервациясы);
  •         Естің сақталуымен ми ісіктерін микрохирургиялық алып тастау;
  •         Гематоманың стереотактикалық аспирациясы;
  •         Пинальды аймақтың ісік биопсиясымен эндоскопиялық тривентрикулостомия;
  •         III қарыншалық ісікті эндоскопиялық алып тастау;
  •         Гамма-пышақ аппаратындағы радиохирургия. 


Бөлімшені жабдықтау


Бөлімшенің өзінің ота жасау бөлмесі бар, хирургиялық емдеу кезінде емдік және диагностикалық аппаратураны қолдана отыра, барлық қазіргі заманғы әдістерді қолданамыз:

  • Karl Stortz эндоскопиялық видео жүйесі;
  • « Саrl Zeiss» Vario S88 операциялық микроскопы
  • Бассүйек ішіндегі қысымның және мидың биомеханикалық қасиеттеріне мониторинг жүргізу жүйесі;
  • Ультрадыбыстық және лазерлік дезинтегратор;
  • Микрохирургиялық құралдар мен жабдықтар;
  • рамалы стереотаксиялық жүйе;
  • эндоваскулярлық ота жасауға арналған катетерлер мен аспаптар;
  • ликвородренажды жүйелері;
  • Medtronic Stealth рамасыз нейронавигациялық станция;
  • Бассүйегін бекітудің кермек және жартылай кермек (балалар) жүйесі
  • Интраоперациялық нейрофизиологиялық станция,
  • Аутогемотрансфузия станциясы,
  • Ми және жұлынның, ішкі қантамырлары операциялары кезінде тамырларды зерттеуге мүмкіндік беретін қазіргі заманғы ангиографиялық құрылғы
  • нейростимуляторлар.

   

Бөлімше меңгерушісі жоғары санатты дәрігер-нейрохирург, медицина ғылымдарының кандидаты, «Ұлттық нейрохирургия орталығы» АҚ профессоры Данияр Керімқұлұлы Телтаев. 60-тан астам ғылыми жарияланымдардың авторы, оның ішінде әлемнің жетекші рецензияланатын ғылыми журналдарындағы 3 мақаланың, өнертабысқа 1 патенттің, 2 монографияның авторы.
    Д.К. Телтаевтың жетекшілігімен қазіргі уақытта Кіші инвазиялық нейрохирургия бөлімшесінде 6 нейрохирург жұмыс істейді: Мұстафин Халит Абдімажитұлы, Танкачеев Рамиль Шамильевич, Сығай Нұрзат Әшірбекұлы, Әшіров Нұрали Нұржанұлы, Қыдыров Алмас Ернарұлы, Ғапбас Зада Айтмұқанбетқызы. Медициналық қызметтің жоғары тиімділігі мен жақсы нәтижелері тек дәрігерлердің жұмысының арқасында ғана емес екенін атап өткім келеді. Медициналық көмек миссиясын жүзеге асыруда аға мейіргер Литвинова Татьяна Петровнаның басшылығымен мейіргерлер мен кіші персонал маңызды рөл атқарады.

Біздің бөлімшеге жату үшін Сізге нейрохирургия орталығының емханасында нейрохирургтан консультация өту , біздің +7(7172) 62-11-00, 62-11-86  байланыс нөмірлеріне  хабарласу қажет.